Vald, fattigdom og politikorrupsjon
Prosjektet ser på samanhengen mellom vekst, utvikling, konflikthandtering, kriminalitet og politikorrupsjon.Samarbeidsprosjekt med Christian Michelsens Institutt (CMI) Deltakarer Odd-Helge Fjeldstad, Christian Michelsens Institutt (CMI)
Korleis heng utvikling, vekst, konflikthandtering, kriminalitet og politikorrupsjon saman? Etter avkoloniseringa var det lenge eit sensitivt tema å påtale dårleg styresett i sør – ikkje minst korrupsjon. Denne haldninga har endra seg. I nord ser vi eit auka behov for å dokumentere og legitimere bistandsoverføringar til sør overfor eigen opinion. Og globaliseringa med sin auka openheit bidrar til at også nord langt meir enn før blir utsett for verknadene av kriminalitet – herunder korrupsjon, vald og fattigdom i sør. Med andre ord føler givarlanda det meir påtrengande å gjennomgå alle mulige snublesteinar for så vel utvikling og kamp mot fattigdom som for tryggleik og konflikthandtering. Speler politikorrupsjon her ei nøkkelrolle? Lenge har forskarar meint at med stigande vekst følger auka kriminalitet og korrupsjon. Nyare forsking har konkludert motsett: Auka kriminalitet og korrupsjon blir heller sett som ein følge av låg vekst og økonomiske sjokk. Ein sentral hypotese for forskingsprosjektet er at kriminalitet, vald og politikorrupsjon er årsak til betydelege velferdstap for utvikling i sør generelt og for fattige især. Vidare er det eit teoretisk utgangspunkt at kriminalitet, ulikskap og BNP-nivå heng nær saman. Samanliknande landstudiar har vist at 5 % auke i ulikskap (Gini-koeffisient) kan auke kriminaliteten med opp til 50 %. Sterk auke i valdsbruk, korrupsjon generelt og politikorrupsjon spesielt er ein del av dette biletet.
Korleis påverkar politiets atferd konfliktforløp? Særleg i starten på konfliktar, men òg når fredsprosessar skal gjennomførast og ro og orden etablerast på nytt, speler politiet ei viktig rolle. Eit korrupt politi kan da fort bli ein hemsko for ei positiv utvikling.
I tillegg til publikasjonane nedanfor har Jens Chr. Andvig og Amit Shrivastava levert eit bakgrunns-notat til UNDP: Tackling Corruption, Transforming Lives: Accelerating Human Development in Asia and the Pacific . UNDP, 2008.
Finansiering
Norges forskningsråd
Publikasjonar
- Andvig, Jens Chr., Gbewopo Attila (2010). Crime, Police Corruption and Development: Evidence from Victimization Data. NUPI-notat: 772. 53 sider. The purpose of this paper is to explore whether some specific sets of criminal actions that have impact on the security of property and persons and the behaviourally related police corruption may have significant impact on the long run economic development.
- Andvig, Jens Chr., Tiberius Barasa (2011). Cops and Crime in Kenya: A Research Report. NUPI-notat: 794. 140 sider. This paper presents and analyzes most empirical research about crime and police corruption in Kenya that has been based on vicitimization statistics. It shows the wide variation in outcomes and draws implications of this for the potential use of this approach for police and crime policy.
- Andvig, Jens Chr., Amit Shrivastava
(2009). Police Corruption, Corruption and Crime: Data and Examples from the Asia-Pacific Region,
in Rajivan, Anuradha K. and Ramesh Gampat [eds.] Perspectives on Corruption and Human Development, vol 2, Advanced Research Series
.Delhi,McMillan .s. 439-499.This paper examines the links between police behaviour and a number of wider development issues. [url] - Andvig, Jens Chr. (2010). State Bipolarity, Kin Organizations and Violent Collective Action. NUPI-notat: 779. 57 sider. The paper deals with the interaction between public sector efficiency, corruption and the outbreak of violent conflicts.
- Andvig, Jens Chr., Odd Helge Fjeldstad (2008). Crime, Poverty and Police Corruption in Non-Rich Countries. NUPI-notat: 738. 43 sider. Undersøkelse av politikorrupsjon og kriminalitet i i utviklings- og mellom-inntektsland.
- Andvig, Jens Chr. (2007). Corruption and Armed Conflicts: Some Stirring Around in the Governance Soup. NUPI-notat: 720. 69 sider. Notatet tar sikte på å undersøke sammenhenger mellom omfanget av korrupsjon og sannsynligheten for væpnet konflikt i et område.
